“進取”的交通事務局，涉及交通及擁車費用加完又加，終於伸手向“牛肉乾”開刀。修改《道路交通法》的公開諮詢，建議調升多項行政違法行為的處罰金額，違泊“牛肉乾”價錢大多提升一倍。消息一出，網上怨聲四起，“的士違規又唔見佢哋咁快手”、“日抄夜抄，仲想加價？又唔夠車位提供，公交又做得差，警察局除識抄牌仲識做啲咩？”

    本澳車多泊位少，“牛肉乾”加價建議一出，有關消息即在社交平台上廣泛分享，網民紛紛表達“嬲嬲豬”，不滿留言洗版，精選網民留言，相當“啜核”，“車位又唔夠，搭巴士、的士又搭唔到，正苦（政府）有諗過打工仔要點過日子？”、“比黑的更會搶？厲害了？我的局！”、“的士劏客罰一千，抄張牌罰九百，咩概念？又想推高私人車位價格？有無用腦諗過……”、“都話呢個局長淨係識加價，佢仲識得做乜嘢呀，搞到交通一塌糊塗。”大多網民指車多泊位少，監粗加價，本末倒置。

    有人罵乜都想免費

    雖然罵聲一片，但亦有網民贊成加價，“支持，用者自付，澳門就是習慣了甚麼都免費，且應該每年都要調整收費，免得十年、廿年先調整一次，又畀人罵一加就加咁多……甚麼澳門十幾萬架電單車得幾萬個位唔夠位等等，但我見到要收錢嘅位，經常都有空位，尤其是停車場，證明唔係唔夠位，只係啲人甚麼都想免費。”